Ekonomia Sortzaileari buruzko 2024ko Europako Konferentzia (ECEC) ekainaren 13an egin zen Helsinborgen, Suedian. Ekitaldian, KSIetarako eskualdeko gobernantza eredua aurkeztu zuen Eusko Jaurlaritzak, eta KSIetarako lehen Regional Skills Partnership-a aurkeztu zuen KSIgunek, Europako Batzordeak aitortua.
Administrazioak, Akademia eta Enpresak bildu ziren 2024ko ECECen, Tokiko Ekosistemen Aliantzek (LEP ingelesezko siglen arabera) espazio sortzaileen eraikuntzan duten eginkizunari buruz hausnartzeko, eta hitzaldi inspiratzaileak eta proiektuen aurkezpenak egin ziren. Eusko Jaurlaritzaren KSI Zerbitzuak, KSIgunek, BDCCk, DANTZ erakundeak eta Basque Biodesign Center ikerketa zentroak osatutako ordezkaritzaren bidez parte hartu zuen Euskadik ekitaldian.
Ekitaldian, KSIetarako eskualdeko gobernantza eredua aurkeztu zuen Eusko Jaurlaritzak, eragile anitzeko lankidetzaren ikuspegitik. Era berean, Europako Batzordeak aitortutako KSIentzako lehen Regional Skills Partnership-a (RSP) aurkeztu zuen KSIgunek. Aliantza horren funtsezko elementuen artean daude Administrazioa, Goi Mailako Hezkuntza eta Enpresak lotzeko ikuspegi ekosistemikoa; prestakuntza gaitasuna hobetzeko metodologia; eta eskualdeko Goi Mailako Hezkuntzaren eta KSIen arteko ezagutza transferentzia sustatzeko ekintza estrategikoa.
RSP hori erreferentziazko ekosistema izango da, Helsinborg hiriak eta Skåne eskualdeak beren eskumen aliantza gara dezaten etorkizun hurbilean.
Tokiko ekosistemen aliantzen beste jardunbide egoki batzuk ere aurkeztu ziren, hala nola: Game Habitat, BoostHBG, Danish Creative Industries, wonderland platform for european architecture, eta Yrkesnämnden för Film och TV, besteak beste.
2024ko ECECen lankidetza sustatu zen Europa mailan, eta funtsezko ideiak partekatu ziren, hala nola:
- Funtsezkoa da Tokiko Ekosistemen Aliantzak (LEP) aprobetxatzea, KSIek ekintzailetzaren, eskumenen eta lankidetzaren arloan dituzten hutsuneei aurre egiteko.
- Gero eta beharrezkoagoa da datuak neurtzea eta kultura eta sormena loratzeko ingurune egokiak sortzea.
- Kulturaren eta sormenaren sektore oparo batek are gehiago lagundu dezake gizartearen iraunkortasunean.
Hitzaldiaren bideoa
2024ko ECECen grabazioa hemen dago eskuragarri.
Albisteak, lotutako berriak
-
Emakumezkoen animazioa: Euroregional Green Audiovisual Hub-en Egoitza
ksiGuneMartxoaren 3tik 21era, Laura Ibañez, Esther Vital eta Marion Moreau gidoilariak Euroeskualdeko akonpainamendu programa batean aritu dira animazio arloko beren proiektuak lantzen.
-
Ruth Mayoral: "Ikastegien eta KSIen elkarlanerako beste modu batzuk lantzen ari gara"
ksiGuneKlusterraren ideiatik eta ideia horrek Euskadiko industrian duen tradizio handitik abiatuta, KSIgune Klusterraren berezitasun nagusia da fakultateak eta eskolak biltzen dituela, ez enpresak. Zehazki…
-
KSIgunek 10 proiektu berri babestuko ditu Konexioen deialdiaren esparruan
ksiGuneGoi Mailako eta Unibertsitateko Hezkuntzaren eta Euskadiko kultura eta sormen sektoreen arteko transferentziak hazten jarraitzen du, 10 ikastegi eta/edo ikerketa zentroren, 9 entitateren eta 13…