IDIMORE proiektua: Negozio hobi berrietarako birziklatutako altzari berriak ikertu, diseinatu eta garatzea

ELECTRO TALLERES ZARAUZ SA Gipuzkoako enpresa umeentzako parkeen eta hiri altzarien sektorean Jolas izenarekin ezagutzen da, eta bere lerro estrategikoetako batean Alemanian ekoitzitako material birziklatuarekin umeentzako parkeak diseinatzen eta instalatzen dituzte. Enpresaren helburuen artean dago negozio lerro berri bat garatzea barneko espazioetan kultura jarduerak egiteko altzarien diseinu berriak garatzeko. Proiektu honen helburua da enpresaren eta Gipuzkoako Ingeniaritza Eskolako Arkitektura Teknikoko Graduko bigarren mailako Adierazpen Grafikoa II ikasgaiko ikasleen, irakasleen eta ikertzaileen artean baterako lan lerroa garatzea. Horretarako, enpresarekin prestakuntza fasea bukatu eta gero, ikasleek hainbat ideia diseinatuko dituzte Gipuzkoako Ingeniaritza Eskolaren sarreran jarriko duten harmaila bat garatu, fabrikatu eta muntatzeko proba pilotu bat sortzeko. Gainera, eredugarria izango da etorkizuneko ikasleen belaunaldientzat. Sormena eta betekizun teknikoak lehiaketa bidez ebaluatuko dira. Beste alde batetik, erabilitako materialak analizatuko dituzte Gipuzkoako Foru Aldundiaren Ekonomia Zirkularreko Ikasgelako eta ‘Materialak+Teknologiak’ GMT (https://www.ehu.eus/es/web/gmt) ikerketa taldeko kideek. Helburua izango da gure lurraldean km0 material birziklatuak eskuratzeko egon litezkeen aukerak identifikatzea, horiek Alemaniatik garraiatu beharra ekiditeko, eta tokiko hondakinak berrerabiltzeko.