Patentatutako makineria berriz diseinatzea, serie motzean fabrikazio aditiboaren bidez

Proiektu honen helburua da hirugarren adinera bideratutako ariketa isometrikoko makina baten manufakturagarritasun gehigarrira bideratutako diseinu estetiko eta funtzionala birdiseinatzea. Ekimena bat dator RIS3 Euskadi- ZTBP 2030 espezializazio adimenduneko estrategiaren zati batekin. Zehazki, Euskadi 2030 Zientzia, Teknologia eta Berrikuntza Planaren (ZTBP Euskadi 2030) lehentasunei dagokienez, proiektuak honako ardatz hauetan laguntzen du:

a) Osasuna, osasun-ikerketaren eta -berrikuntzaren barruan, edozeinek eskura ditzakeen produktu-multzo bat merkaturatzean, baina, batez ere, ziurrenik gehien behar duen jendeari, eta

b) Enplegua eta suspertze ekonomikoa, proiektuaren produktua osorik Euskadin garatzea nahi baita.

Proiektuak beste plan batzuei erantzuten laguntzen du, hala nola Garapen Iraunkorreko Helburuei (GJH) eta Europako Batzordearen lehentasunei.

Lehenengoei dagokienez, 3. GJHari (osasuna eta ongizatea) erantzunak ematen dizkio, horretarako zailtasun gehien dituzten kolektiboetan aritzeko aukera demokratizatzen baitu, eta 17.ari (helburuak lortzeko aliantzak), proiektua hainbat eragileren arteko aliantzen bidez garatuko baita.

Abiapuntua da proiektuko kideek patentatutako gimnasioko makina bat, galdaragintza bidez eraikitako pieza funtzionaletan oinarrituta diseinatu dena. Dituen kostu handiek eta pieza funtzionalen estetikak eskatzen dute berriz diseina dadila industrializagarria izateko. Hala, helburua da aztertzea gimnasioko makinaren pieza funtzional posible horiek guztiak estetikoki eta teknologikoki berriz diseinatzeko aukera, fabrikazio aditiboaren bidez egiteko (plastikoz edo metalez, kasuan kasuan egokiena dena ekonomikoki zein teknikoki).

>> Proiektuen atalera itzuli