Gurena etxea

Egoitza zentroak askotariko menpekotasun egoeretan dauden pertsonen ohiko etxebizitzak dira, eta bertan arreta osoa eta jarraitua jasotzen dute.

Kalitatezko arretaz gain, autonomia, partaidetza, gizarteratzea eta ETXEAREN eredua errespetatu behar dira. Ekimen honetan bizikidetza unitatearen pilotu bat diseinatzen da egoitza geriatriko batentzat laguntza eredua eguneratzearen prozesuan.

Bizikidetza unitateko proiektu pilotu honen muina da pertsonarengan oinarritutako arreta eredua ezartzea espazioa, bitartekoak eta zerbitzuak gizatiartzearen bidez.

Helburu hori hiru ardatz handi hauetatik abiatuta lortzen eta egituratzen da: espazioa egokitzea, bizikidetza unitateetan humanizatuta eta egituratuta egotea (diseinu grafikoa / barneko espazioen diseinua / ingurumen grafika); irtenbide teknologikoak ezartzea (inguru murgiltzaileak diseinatzea / errealitate areagotua / errealitate birtuala), zeintzuek autonomia, independentzia eta zerbitzuen pertsonalizazioa ahalbidetzen duten, eta egoitza kokatuta dagoen lurraldeko gizarte komunitatean integratzea (zerbitzuen diseinua eta berrikuntza).

2008an Osasunaren Mundu Erakundeak pertsona oinarri duen oinarritutako arreta eredua honela definitu zuen: “Ebidentzia zientifikoan, zerbitzuaren antolamenduan, taldean, diziplinartekotasunean eta ingurunean oinarritutako esku hartzearekin lotuta dauden gainerako dimentsioek elkarri eragiten dieten ardatzean pertsonak jartzen direnean lortzen den arreta da”.

Loiu Gurena egoitzan egindako esku hartzean arreta soziosanitarioaren eremuan planteatutako eredu kontzeptual berriei erantzuten zaie, nagusiki pertsona oinarri duen arretaren ereduari, zeinak egoitza laguntzako forma berrien alde egiten duen, besteak beste bizikidetza unitateen alde. Alor horretan, diseinua ezinbestekoa da, eta bere zentzu zabalenean ulertzen da, hau da, espazioak eta prozesuak diseinatzea, giroak sortzea, diseinua aldaketaren estrategia gisa, gailu teknologikoen diseinua eta abar.

Paradigma berri honen xedea da zatitutako ekintzak eta arreta indibidual tradizionalaren ereduak zurruntasunerako duen joera gainditzea, eta hori guztia norbanakoei lagunduz komunitatean parte hartzeko eta elkarrekintzarako. Kontua da “ikuspegi erreaktiboa (gaixotasun

bakarretan oinarritutakoa, zatikatua eta paternalista) albo batera uztea, eta ikuspegi sortzaileagoa, proaktiboagoa, osoa eta gogoetakoa ezartzea, norbanakoek eta komunitateek ahalduntzean, erabaki partekatuetan, autokudeaketan eta zaintzaileen trebakuntzan aktiboki parte hartzea sustatzen duena”. Beraz, kontua da arreta soziosanitarioaren inguruko kultura aldaketa bultzatzea, menpekotasunak eta gaixotasunak dituzten pertsonen desinstituzionalizazioa lortzeko.

>> Proiektuen atalera itzuli